Aya 2.333 sarjana (S1) lulusan Unit Program Belajar Jarak Jauh (UPBJJ) Universitas Terbuka (UT) Bandung nu narima izajah dina acara kagiatan Upacara Penyerahan Ijazah (UPI) lumangsung poe Rebo 27 Februari 2013 di gedong Graha Batununggal Indah,Jl.Soekarno-Hatta Buah Batu Bandung. Sajumlah lulusan ieu teh ngawengku masing-masing 1.776 ti program Pendas PGSD jeung 557 PGPAUD sarta 3 lulusan Non Pendas ngarupakeun hasil yudicium 7 Agustus,04 Oktober jeung 10 Desember 2012. Tina sajumlah lulusan kapeto aya 3 lulusan meunang Indek Prestasi Kumulatif (IPK) pangonjoyna ti PGPAUD kabehannana asal kabupaten Kuningan nyaeta Pipih Nafilah M,S.Pd.AUD (IPK 3,86), Eni Sukaeni,S.Pd.AUD (3,79),Yesi Nurmalia,S.Pd .AUD (3,78). Kagiatan acara masrahkeun izajah lian ti diluuhan rektor UT Prof.Ir.Tian Belawati M.Ed.Ph.D oge Kepala Dinas Pendidikan & Kebudayaan provinsi Jawa Barat Prof.Dr.H.Moh.Wahyudin Zarkasyi,CPA,rektor Universitas Pendidikan Indonesia (UPI),Kepala Dinas Pendidikan Kab/Kota di wilayah kerja UPBJJ-UT Bandung,Para pengurus kelompok belajar,para tutor,mitra kerja sarta Kepala UPBJJ Bandung Dra.Hj.Dina Thaib,M.Ed turta Staf.
Numutkeun Dina Thaib ngajentrekeun ka Koran Giwangkara yen diayakeunnana kagiatan acara ieu teh keur lulusan UT nu henteu bisa miluan wisuda di UT pusat balukar kawatesanna jumlah quota jeung sababaraha alesan sejenna. Kukituna dilaksanakeun di UPBJJ luyu jeung panduan pelaksanakan UPI bari jeung henteu ngurangan kahidmatanna. ” Ari tujuanna mah nyaeta masrahkeun deui mahasiswa nu geus ngaronjatkeun kualifikasi pendidikan nu dinyatakeun lulus ku UT ka Kepala Dinas Pendidikan & Kebudayaan Propinsi Jawa Barat.
Sedengkeun rektor UT Tian Belawati dina biantarana lian ti ngawilujeungkeun ka para lulusan ku geus meunangna kualifikasi jeung gelar akademik oge ngingetan yen momentumUPI ieu lain ngarupakeun muara atawa ahir tina sakabeh aktivitas pembelajaran nu geus dilakukeun,kulantaran ku geus ngaronjatna strata pendidikan nu dipibanda,tangtuna bakal ngaronjat tungtutan masarakat,kukituna kudu terus ngayakeun tarekah ngaronjatkeun kualitas diri supaya bisa icikibung dina pangwangunan Indonesia sarta
umajak ka para lulusan katut kulawargana sangkan miluan aub ilubiung ngaronjatkeun partisipasina dina pangwangunan ku cara ngarojong sagala tarekah nu dilakukeun ku pemerintah pikeun ningkatkeun karaharjaan masarakatna. Pangwangunan nu dimaksud tangtuna lain ngan pangwangunan fisik,tapi kaasup pangwangunan mental jeung spiritual bangsa,kukituna para lulusan nu mibanda propesi salaku guru tangtuna bisa partisipasi dina pangwangunan manusa Indonesia. “ Pikeun miluan partisipasi ,tangtuna bisa dimimitian ti diri para lulusan sewang-sewangan kudu jadi suri tauladan pikeun picontoeun di masarakat disabudeureun dina tingkah laku. Satuluyna ngajak ngalaksanakeun tugas nu hade”.ceuk Tian Belawati.(Suherman.S).-
Tidak ada komentar:
Posting Komentar