Universitas Islam Negeri (UIN) Sunan Gunung Djati (SGD) Bandung ngawisuda 970 lulusan dina prosesi sidang terbuka senat wisuda ka 57 dipingpin rektor UIN SGD Bandung Prof.Dr.H.Deddy Ismatullah,SH,M,Hum lumangsung poe Saptu 16 Maret 2013 di Auditorium UIN SGD ,Jl.A.H.Nasution No,105 Bandung, lulusan ieu teh asalna 55 jiwa ti Fakultas Adab & Humaniora, 89 jiwa ti Dakwah & Komunikasi, 45 jiwa ti Psikologi, 147 jiwa ti Sains & Teknologi, 124 jiwa ti Syari’ah & Hukum, 290 jiwa ti Tarbiyah & Keguruan, 25 jiwa ti Ushuludin, 160 jiwa ti Ilmu Sosial & Ilmu Politik (FISIP) jeung Program Pasca Sarjana ngawengku S2 aya 30 jiwa sarta S3 aya 5 jiwa. Sajumlah lulusan harita distrenan rektor,diantarana 31 lulusan ,meunang pangajen yudicium cumlaude oge nu meunang Indek Prestasi Kumulatif (IPK) pangonjoyna nyaeta Dini Agustina Nuryati, 3,93 jeung Ade Iskandar 3,89 ti FISIP,Syifauzakia 3,87 ti Tarbiyah & Keguruan jeung Arum Ningning ti Dakwah & Komunikasi sarta Dr.H.Aden Rosadi,M.Ag 3,73 ti Program Pasca Sarjana..Nyakitu deui dina ieu kasempetan lian ti rektor mere pangajen ka para lulusan oge mere pangajen ka 11 mahasiswa mibanda prestasi widang Tahfidz Quran nyaeta dua tahfidz lengkep 30 juz ka Santi Yuliani Nur H jeung Dede Muhammad Mansur (Fakultas Tarbiyah),tahfidz 15 juz Nuri Noor Azizah (Tarbiyah & Keguruan), Ibnu Mahmub (Psikologi),Darman, Huriyatun Nida,Abdul Wahab,Sri Rachmawati,Aswin jeung Ahmad Fauzi Ridwan (Ushuludin) jeung tahfiz 10 juz Shofi Mardiyah Salsabila (Sains & Teknologi).
Numutkeun rektor dina biantarana saperti diberitakeun Koran Giwangkara satiap lulusan kudu mibanda kompetensi dina raraga nyanghareupan saingan global nu tetep ngeumbing kana ajen inajen kaislaman diantarana wae kudu nguasa teknologi,,komputer ilmu umum jeung bahasa asing sarta lulusan UIN SGD Bandung wajib apal Alquran minimal 2 juz ,sedengkeunn lulusan UIN ti jurusan umum saperti jurusan matematika,fikom sarta jurusan lainna minimal 1 juz . “ Salaku salah sahiji perguruan tinggi, UIN SGD Bandung geus mampu ngaadumaniskeun ilmu kaislaman jeung ilmu umum, sangkan lulusanna bisa makalangan di widang kaislaman tapi oge beunghar wawasanna dina widang umum “.pokna..Satuluyna rektor lian ti peupeujeuh ka para lulusan sangkan ilmu,pangalaman nu geus dipibanda salila nyuprih ilmu di UIN SGD mudah-mudahhan mangfaat sarta dijadikeun life skill nu aya gunana dina nyanghareupan mangsa bakal datang nu leuwih hade jeung dijadikeun bekel keur makalangan di masarakat kaasup dina negakkeun syiar Islam..Oge inyana ngingetan . yen jenjang pendidikan para lulusan nu geus direngsekeun ieu teh lain akhir tina proses belajar,tapi ngarupakeun awal proses belajar di masarakat.Kukituna dina nyanghareupan dinamika masarakat diperlukeun sikep nu arif turta wijaksana,lain ku sikep konfrontatif sok komo bari jeung anarkis.(Suherman.S).-
Tidak ada komentar:
Posting Komentar